Hello Counselor || حصري حلقة 301 على مدونة [HF]

الأحد, ديسمبر 11, 2016 Unknown 49 Comments


اهلا وسهلا 

حلقة سألتونا عنها عشرات المرات لذلك حبينا ننزلها لكم بأسرع وقت ممكن

الكثير منكم عنده الفضول يعرف عن المحجبة المسلمة الي جات تشتكي من العنصرية ضد المسلمات في 

كوريا , ايش قالت ؟ وكيف مثلتنا ؟ وهل الشعب الكوري فعلا بهذه العنصرية ؟ هذا الي راح نعرفه في 

المشكلة الأولى مع المرأة الأوزباكستانية الي حبت تطرح مشكلتها للبرنامج , ما راح اسهب و اقول ايش قالت 

لأن من الأفضل ترك الحكم لكم بالكامل ^^

تعقيبي الشخصي والي حزني انها مثلنا , حبت كوريا من خلال الدراما لذلك انتقلت للبلد لكن العالم الي شافته 

عكس العالم الخيالي الي بمسلسلاتهم K

المشكلة الثانية ما تقل عن المشكلة الاولى سوء و تبين ايضا عنصرية الشعب الكوري , فراح تشوفون رجل

 تلقى اسوأ معاملة من المجتمع بسبب عيب خلقي ليس له أي ذنب فيه !! 

المشكلة الاخيرة هي الأخف وقعا كالعادة , ما راح اقصها و أترك لكم المتابعة بأنفسكم

استمتعوا ولا تنسون تثنون على الفريق الي جد وتعب عشانكم ولا تنسوا تتركون تعليقاتكم خاصة فيما يخص

المشكلة الاولى ^^ مشاهدة شيقة



رقم الحلقـــــــــــــــة : 301

مــــــدة عرض الحلقـــــــة :  01:13:30

وقــــــــــــــــــت العـــــــــــرض : 28 / 11 / 2016

الضيــــــــــــــــوف : كون + ويي من ابتشن – جون من فرقة GOD  - لي جي هي
  
عناوين المشكلات

هــــــــــل لـــــي أن أخلــــــعه ؟

لماذا تفعلون ذلك لي ؟

إبن أبيه

  
ترجمة  :  wejdan89 - بشاير - sroenavy

ضــــــبط تـــــوقيـــت و تنســـيق : wejdan89

تــــــــــــصـــــــــــــمـــــــــــيــــــــــــم : RSHA

انتــــــــــــــاج و رفـــــــــــع :Lawer of love  

نشكر من القلب كل يد تعبت و سهرت من آجل رفع اسم المدونة عاليًا

يعطيكم الف عافية 


جودة عالية 720
(حجم 1.2G)

uptobox | uplea 
  
  
 

جودة عالية 





وجود الحلقة في غير المواقع المشاركة في الترجمة يعتبر سرقة

دعمنا يكون بمتابعة حلقاتنا هنا و ليس من المدونات السارقة

التي تنهب حقوق الغير و تتربح من جهودهم

.................

شاركونا تعليقاتكم

وتفاعلكم على حسابنا في تويتر

hellofansub@

وادعمونا هناك بالمتابعة او بالمشاركة في الهاشتاق الخاص فبرامجنا

Hello_fans#


هناك 49 تعليقًا:

  1. اول مشاهدة واول تعليق شكرا على مجهودكم

    ردحذف
  2. شكرا ع الترجمه يعطيكم العافيه

    ردحذف
  3. مشكككورررين الله يعطيكم العافيهه

    ردحذف
  4. الف شكر ع جهودكم وسرعة استجابتكم لترجمه الحلقه

    ردحذف
  5. الحمدالله انه جاء شي يوضح للبنات اللي مره ماخذين كوريا البلد المقدس والحمدالله انه جاء شي يوضح الفرق بين الدراما والواقع ..اغلبهم كلامهم جدا جارح واللي يثبت هالشي تعليقاتهم عالفرق ولا على ايدول مادخل مزاجهم ولا شخص اخطاء مايلتمسون العذر ..ياليت كل البنات يفهمون هالشي انا اتابع الدراما واحب برامجهم لكن الحمدالله اني فاهمه الوضع من زمان ..اذا بيسوون دراما عن بنت محجبه ترى كله عشان نسبة مشاهده تزيد ويزيد دخلهم مو عشان وجهي ووجهك..هم اذكياء فيالتسويق لانفسهم لذلك وصلواللعالميه ..ومارح اكون عنصريه مره زيهم اكيد عندهم ناس لطفاء ...اعتذر لكلامي الجارح عشان مانلحق البنتين اللي هربوا لكوريا فقط من دراما وبرامج .الله يعينهم عالعنصريه اللي بتجيهم ..

    ردحذف
    الردود
    1. يب صح كلامك بغض النظر المفروض يعرفون ان الدراما شي و الواقع شي ثاني بس مساكين البنات مشتطين انهم يعيشون ف كوريا انا ممكن اتحمس اني ازورها لكن مستحيل اتحسر واتمنى اني اعيش هناك بعيدا عن الموضوع شكرا ع المجهووود و الترجممه ����

      حذف
  6. حبيت الحلقة كثيييييييييييييير اشكركم على جهودكم و انبسطت اكثر لما المشكلة الاولى فازت
    في الحقيقة العنصرية موجودة في كل مكان خصوصا للعمالة الاجنبية حتى بينا كاعرب سواء في الحياة الواقعية او غيرها
    خصوصا بعد انتشار السوشيل ميديا بين شكثر فبه عنصرية مخفية وضهرت والتعليقات تشهد على ذلك وهذا شيء احزن علية جدا اتمنى تختفي هذي الصفة من عندنا اولا ومن كل بلدان العالم

    ردحذف
  7. زي عنصرية الكوريين ماقد شفت الكورية الي تتعرض لسوء معامله وكلام جارح عشين بنتها الصغيرة عيونها غير والي عشين شعرو كيرلي الناس تتريق عليه ولا الي لون بشرتو سمراء ولا البنت الي صوتها خشن وضخم ولا الي اذنو كبيرة والي راسو صغيرة مرة هذي دلاله على صغر عقولهم وكلها اشياء تحسيها ماتسوء الواحد يذكرها حتى لا كن عندهم الواحد يتعرض للاذلال والانتقاد والكلام الجارح بس عشين لون عينو غير او اذا انت بنت وصوتك وضخم و الكلام والانتقاد الي يجيهم من الناس يسببلهم ضغوط ومشاكل نفسية اشياء تخليك تحمد الله على البلد والنعمه الي انت فيه

    ردحذف
    الردود
    1. للاسف ان هالعنصريه المعفنه موجوده حتى بدول الاسلام بناس يقولون ربي الله و رسول الله قدوتي ونبيي ,
      للاسف الواقع مؤلم ومخزي اشد من واقع الكوريين .
      والسوشل ميديا طلع الحقيقه ووضحها فعلاً , عشان مانظلم الكوريين وننسب لهم شي مقيت وانهم تفردين فيه
      وهو للاسف موجود بكل مكان .

      حذف
  8. الف شكررررررررا الله يسعدكم

    ردحذف
  9. الشعب الكوري عجيب
    عنصري لدرجه كبييرة
    من هالبرنامج عرفت ان بالمسلسلات مو واقعهم ابد
    حبيت بلدهم مسلسلاتهم
    لكن كشعب جدا عنصرين لدرجة كرهتني فيهم

    مافيه بلد تخلو من العنصرية
    لكن هم بزيادة
    لون عيون بشرة نوعية شعر طريقة المعيشة
    بكل شي عندهم
    حتى تعليقاتهم جدا لئيمة على فنانيهم ما الومهم يوم تجيهم أمراض نفسية
    من شعبهم
    اول ما تابعت الكوري كنت اتمنى اعيش فيها بس بعد متابعتهم لسنين لا
    اروح لها سياحه لكن كبلد تعيشين فيها مو حلوة

    لكن تضل اعمالهم محببه الي قلبي

    وأخيرا ششكرا لكم

    ردحذف
  10. كنت مثلها احب كوريا ونفسي اروح لها بشهر العسل كنت اشوفها مثاليه بس بعد معرفتي بها سنوات اكتشفت انه شعب عنصري الاغلب اذا كان اهل البلد انفسهم متعذبين ياياما مشكلات في ذا البرنامج من عنصريتهم والا الممثلين والايدول كل حركه منهم يفسرونها على كيفهم ويسبونهم والا على اشكالهم اي مقاله لمشهور الا مايتكلمون على شكله
    نعرف ان كل بلد فيها عنصريه مثل ذول ماشفت يعني قويه تلمس راسها وحتى لما فسخت الحجاب اول ماسافرت ماافتكت منهم
    بس ما اقول الا الله يحفظها وبناتها ويثبتهاعجبتني انها مستره بعضهم يلبسون بنطلون ضيق ويلبسون الحجاب مدري كيف

    ردحذف
  11. مشكورين...


    يعطيكم العافيه..*

    ردحذف
  12. شكرااااااااااا
    يعطيكم الف عافية

    ردحذف
  13. تعليقي على المشاكل
    المشكلة الاولى صح كوريا دولة عنصرية بس مو يعني اي شخص ضايقني اسكت عنه
    لو اي شخص حاول يمس حجابي مثل ماقالت لاكسر يده واحاكمة حتى لو اجوما او اجاشي
    ترا قصدي اذا رحت سياحة لاحظت كثير اللي راحوا كوريا يلتقوا تعليقات او تصرفات مو زينة من
    اجاشي او اجوما وتعليقهم على الفعل السىء اللي سوه انه كبير في السن وعادي في كوريا ماحد يحاكمهم او ينصحهم لدرجة تمادوا لان ما وقفهم عند حدهم هالعجايز مو من حقهم يمدوا ايدهم او يشتم
    عن نفسي// تعصبت ابي اافهم ليش ما يدافعوا عن نفسهم اللي عايشين هناك ما يجي ويقول راح بنطردوا من كوريا

    المشكلة الثانية الولد مافيه شي بس يخلي شوية عن تصرفاته الانثوية حتى انا ما اسوي كذا اما هويات
    او حقيبة مليانه وماادري ايش هذا شي راجع له كل واحد على كيفه ما له دخل انه بنت او يصنع ورود
    هذه هويات وكل واحد حر بنفسه مشكلته الوحيده تصرفاته لو يكون واثق شوية ويمشي زين ويثقل على كلامة كل شي بيكون زين بالنسبة لصوته لو يثقل عليه شوية عادي بيكون

    الثالثة واضح الولد يحب ابوه هههههه وابوه يعطيه ويمدحة الاب هادي وتلقى من ابنه حب يعني شي متبادل بس بالنسبة للام مهما ابنائها عطوها ما تمدحهم ليش لان عندها اسبابها ترا متى الامهات تفهم
    ان الابناء يحبوا اهلهم يثنوا عليهم يعطوهم حب الام تبي اولادها بحبوها يشكروها يحترموها يسمعوا كلامها يكون الافضل بس لان هي ام وهذا شي اجباري وهي عادي ما تبادلهم هالشي مثل امي دائما اكون الاولى في الرياضيات ف صفي من انا صغيرة واحصل جوائز وشهادات ولا مره مدحتني او باركت لي بس لما اخبرها تقول بنت فلان وعلان جابت 100 ودرست بالخارج وبنت عمتي كانت مره من الاوئل وقالت لي شوفي احسن منش هذي اذا جبت 99 قالت باقي نقطة وتجيبي 100 ليش ماجبتي لانش كنتي تلعبي بهذا ووو... ): وبنات صفي اذا نجحن في الرياضيات او جابن درجة حلوه في الامتحانات الشهرية امها تعطيها هدية وتمدحها وكذا على كذا الابناء دائما يسمعوا كلام الاب اكثر من الام
    بس ما اقصد كل الامهات ياريت ل والامهات يتثقفن شوية ترا امي مو جاهلة كانت معلمة لغة عربية
    وانا احترمها واحبها الله يطول بعمرها

    ردحذف
    الردود
    1. انا امي نفس الشي .. ومرا قهرتني المشكله الاخيره اكثر شي لان مجتمعنا الاغلبيه بهذا الشكل الاب والولد مايهتمون للام ..
      وشفوو كيف الكل مستغرب تخيلوو هالشي عندنا انوو حالة الاب والابن هاذي نادره ااخ بس ...
      طبعا انا مو بصف الام بجفافها ..لكن اعتقد انها نتيجة من تصرفات الاب مايعطي الام اي عواطف ومايهتم فيها وحاقرها وهذا اللي شكيته من البدايه وتأكدت نهايه المشكله لما قال ماقد ناديتها يوبوو!!!!!!!!
      والضحيه الاولاد والام

      حذف
  14. بسم الله الرحمن الرحيم
    واااااااااااااووو تطير من الفرحة
    شكراً جزيلاً والله سرعة خيالية ما شاء الله عليكم
    ربي يحفظكم ويسعدكم زي ما أسعدتوني
    جاري التحميل^^"

    ردحذف
  15. واااو مرره شكرا على سرعتكم ماتتخيلون قد حماسي لهذي الحلقه

    ردحذف
  16. الف شكر ع جهودكم لترجمه الحلقه ويعطيكم الف عافية


    ردحذف
  17. يوم شفت اسم بشاير في قائمه المترجمين سألت نفسي منى ترجمت الحلقه 😂 كأن مافي احد غيري بشاير المهم شكرا على الترجمه وخصوصا سميتي 😂😂😘

    ردحذف
  18. يعطيكم العافيه ع الترجمه
    كسرت خاطري المسلمه
    ما اقدر اتخيل كميه العنصرية الي تعرضت لها لدرجه انها تترك الحجاب!!
    سبحان الله شعب عنصري بشكل فضييييع
    صدق اكتشفت يوم تتعمق مع الثقافه تتطلع العيوب + الدرامات تسوي عكس الواقع
    الامريكيين اغلب الشعب غبي عكس الدرامات مالتهم الي تحسونهم عباقره
    والكوريين فالدرامات مافي اطيب منهم ومتفهمين ودايما يحبون الفقراء واصلا هم العكس
    اتمنى هالحلقه تفتح عيون البنات الي عبالهم انه الكوريين آله (استغفر الله) وانه مافي اجمل من هالشعب والحياه الي هي تعيشها مب حلوه وووووووووو
    ولا الي تبا تشرد هناك وعبالها بتستوي دراما بيشوفها الاوبا مالها وسيقع في حبها ويحولها لاميره وهالكلام الفاضي !!

    الموهيم الله يعطيكم العافيه ع ترجمة الحلقه

    ردحذف
  19. المشكله ان البعض يتوقع ان العنصريه هذي موجوده بس بكوريا
    رغم انها موجوده بكل العالم وللاسف عندنا اشد منها كَ مجتمع عربي و مسلم بالمقام الاول ينبذ العنصريه ,
    هالمرأه هاجرت و اخذت الجنسيه ولو تعرضت لضغوط فوق طاقتها ع ما اعتقد ماكان استمرت واخذت الجنسيه وتزوجت كوري ,
    قله يتصرفون بعنصريه وزي مافي اشخاص يعاملون بقلة ادب في مقابلهم عشرات الاشاص المحترمين الي يعاملون برقي و اخلاق ,
    اختي عايشه هناك واخويه الحمدلله مبسوطين وتقول تعرضت مره وحده من واحد مسيحي متشدد وهذي هي المشكله ,
    بس الناس سكتوه وهزئوه واعتذرو من اختي ,
    يعني زي مافي بطال في كويس زي كل العالم
    كوريا دوله مو عنصريه ابداً دوله زيها زي بقية الدول فيها كذا وفيها كذا .





    الاخيره سلامات البنات وش وضعهم انا الولد مو هامني قد ما البنات ليه مايساعدون امهم ؟!!!!!!!
    تغسل و تنظف و تشتغل و تطبخ وهم وش وضعهم ؟!



    يعطيكم العافيه

    ردحذف
  20. وانا اللي كنت ابي اروح لكوريا مابحب العنصرية فكيف لما تتطبق علي


    شكرا لكم ولترجمتكم استمرو <3

    ردحذف
  21. من معرفتي ومتابعتي للكوريين من سنين فهم يتوقعون مانخلق غيرهم .. جد مو زي الدرامات بنووب شعب متخلف وتحصره عادات وتقاليد اكثر منا .. واي شخص اجنبي مباح لهم معاملته بسوء دامه ع ارضهم .. وبالنقابل يطلبون الاحترام اذا صار لهم اي موقف خارج بلدهم؟ م راح اقول كل الكوريين كذا كل دوله فبها الزين والشين بس الكوريين بززززياده حتا ع بعض .. الناجح عندهم يحاربونه زي جيدي ناجخ بس محارب من الكوريين اكثر من غيرهم و تيارا لين الحين الكوريين هجوم عليهم مع انهم افضل فرق بنات صوت تمثيل جمال كل شي .. يحزني وضع بعض بنات ف انستقرام وغيره تلقونها تمجد الايدول تبعها وسب وشتم في اي فرقه ثانيه .؟لبه طيب نحبهم ايه نعجب ف بعض ثقافهم وتطورهم ايه بس مانمجدهم ونعظمهم كذا ؟

    ردحذف
  22. ياقلبي عليها لانها محجبه يعملوا دا فيها
    شكرا ♥♥♥

    ردحذف
  23. صباح الخير
    متى راح تنزل هابي توقذر ؟
    الله يسعدكم 💜

    ردحذف
  24. عرفت فريقكم عشان هالمحجبة 3>

    ردحذف
  25. انا دائما اتقزز من عنصرية الكورين على امور سخيفة مثل الي تطلع بهذا البرنامج يعني جد اشياء تافهة زي لون العيون او الشعر اذا خشن او اصلع
    اذا سمين او لا . لون البشرة اللبس و كذا . حتى برامجهم الثانية شغلانتهم حش في بعض . و طبعا كيف يعلقون على الايدول و يتحكمون فيهم
    اشياء كثير عموما . انا رحت مرتين سياحة قبل في 2014 و 2015 و ان شاء الله راح اروح لها ثاني . البلد كسياحة مرة حلوة
    و ما شفت فيها عنصية كثير للامانة و انا ما كنت متحجبة ولا اختي الصغيرة لكن امي تبلس الحجاب , البعض كان يطالع ب امي بنظرات اسغراب لا اكثر بس ما صار شي فضيع ولا تهجمات و كذا و بالعكس اقدر اقول ان كثثييييير فيهم كان مبتسم و ودود معانا سواء في الشوارع الحلات المطاعم و الخ . لكن الي لاحظنا جد انه تقريبا بجيمع الاعمار عندهم يبحلقون في الاجنبي بشكل فضيع يفصفصونه . النظرات ما كانت مزعجة لكنها مبالغة كانهم ما شافوا اجانب . البعض و قليل جدا جدا جدا جدا يحاول التكلم معانا . بس اعتقد الشيء الي ما يخلوهم يختلطون مع الاحانب كثير هي اللغة .البلد تقريبا معدومة فيها الانجليزية , و عندهم فوبيا من السمنة بشكل كبير كل البلد نحاف و فوق كذا يتريقون على التخان اختي وزنها في السبعين ما تعتبر فيضعة التخنة عندنا هنا . لكن هناك بس يطالعون فيها . و احد صار يأشر لصاحبته علي اختي و يسوي بيدينه انها تخينة و احد لما شافها صار يلف راسو متعجب و كانه متضمر من شكلها . مرة وقاحة كانت . واحد من المواقف الي صارت في المطار و حينا راجعين كان فيه شابيين في المصعد لما دخلنا كانو عادي بس لما ماما جات و هي متحجبة خرجوا بسرعة من المصعد .
    لكن ذي مواقف صغيرة صارت الاغلب كان مرحب . اذكر اول يوم وصلنا فيه كوريا في المطار ركبنا المصعد مع مجموعة شباب سالونا احنا من وين و بعدين قالو لنا ولكم في كوريا و كثير كان مرحب و كثير مواقف حلوة صارت لنا معاهم و ينصدمون لو قلت كلمة لالكوري
    بس مع ذلك احس اني ما عرفت لهم تماما هل هم عنصرين لدرجة القرف ام ذي مجرد فئة منهم
    خلوني في حيرة من امري صراحة

    ردحذف
  26. http://www.moolmang.com/sub/rank-view/?id=489&pop_cate=&pop_name=&sp_cate=&sp_name=&act=#صوتو لبرنامج يو جاي سوك تحدي بلاحدود

    ردحذف
  27. ربي يسعدكم زي ماتسعدونا ,, بعطيكم العافيه ^^

    ردحذف
  28. مشكورين ربي يعافيكم ع المجهود

    ردحذف
  29. شكررررا ربي يسعدكم

    ردحذف
  30. اولا وقبل كل شي شكرا على الترجمة الاكثر من رائعة متكاملة من الجودة للتدقيق للترجمة الواضحة الصحيحة
    نبدأ في المشكلات:-
    المشكلة الاولى : طبعا مستحيل انسانة مسلمة وترتدي الحجاب انها ماتتعرض لعنصرية في بلد نادرا مايشوف الحجاب وخصوصا انهم شعب يركز عالمظهر الخارجي بشكل فظيع وممكن انها توصل لللعنصرية واذا ماكان اغلب الكوريين مايتقبلون الاختلاف اماالمسلمة الاوزباكستانية حزنتني انها صبرت عالنعصرية
    عشان زوجها لانها اتزوجت وعاشت في كوريا وبعد ماأنجبت تركها زوجها وعيالها قد اخذو الجنسية الكورية بغض النظر عن الغربة مسكينة ترك لها في حلقها اطفال تصرفهم وتعتني فيهم وفنفس الوقت تتحمل مشاق البلد الي هي فيه مع عنصرية البعض اتجاهها
    وللعلم ترا الشعب الكوري ليش شعب عنصري ولكن يوجد فيهم العنصريين وكل شخص في النهاية يمثل نفسه زيهم زي اي دولة ثانية لكن بشكل عام تراهم شعب لطيف والنيتزن الي اتكلم عنهم البعض تراهم مايمثلو ربع الشعب الكوري عشان نطلق عليهم بمسمى (الشعب الكوري) ككل ولكن جزء صغير منهم فعلا

    المشكلة الثانية: صراحة الرجال لطيف ماعليه شي بس لو يغير شوي من تصرفاته وردات فعله يعني مو شي صعب زيها زي اي شيء نتعلمه مع مرور الوقت يقدر يضبط تصرفاته وردات فعله الي توحي بالشذوذ اما صوته ماله ذنب فيه وبالنسبه لهواياته من وجهة نظري اشوفها جميلة مرة ولطيفة يعني هو يلوم الناس على مضايقاتهم له وانا ماادافع عنهم لكن هو فعلا اوحى لهم بذا كله لو انه يكون مركز شوي على تصرفاته في الاماكن العامة يمكن مايتعرض لنفس كمية المضايقات الي يتعرضلها في العادة

    المشكلة الثالثة :-
    صراحة الام حزنتني يعني محد مقدر تعبها وكرفها في البيت وبرا البيت وفوق ذا كله تتحمل ابنها المراهق وزوجها الي مايحس فيها لكن فنفس الوقت الام ماتشجع ابنها وماتحن عليه ولا تكافئه فشي طبيعي الابن ينحاز لابوه الي يتلقى منه ذا كله يعني الام لازم تعطي الحب والحنان عشان تتلقاه اما انها تكون جافة
    معاه وتنتظر منه انه يوقف معاها ضد ابوه الي يهتم فيه تكون غلطانة وبناتهم الي مالهم داعي ليش مايساعدون امهم حتى ابوهم وذا المراهق صعبة يعني احد يساعدها مسكينة الي تشتغل بدون راحة

    ردحذف
  31. المشكلة الأولى صراحة كنت متوقعة بتكون كذا
    معروفين بعنصريتهم الكريهة، وأنا متأكدة ان بعض الموجودين ما تعاطفوا معاها أصلاً
    هم عندهم عنصرية على أي أحد غيرهم فمابالكم لو مسلمة!! دم ضروسهم
    صح هذا الشي موجود كل مكان بس الناس بدت تتثقف شوي وما يوضحون أو يضايقون الطرف الثاني
    بس في كوريا ما يهمهم بكل وقاحة يتكلمون!
    ما علينا

    المشكلة الثانية صجج نرفزني!!!
    المشكلة مو في صوته أببددداً! بس في حركاته!
    وييع حتى البنات ما يسوون كذا
    يغطي صدره ويحط ايده على حلجه لما يضحك وقعده المايعةويهف على نفسه اذا استحى
    سلامااات!
    هو الصح لازم ما نحكم من الشكل والانسان بأخلاقه بس مو جذي عاد!
    كللش ما عجبني

    أما المشكلة الثالثة ... 😅😂
    الصراحة أفهم وجهة نظر الأم
    بعدين الولد بثر! لو انه ساكت أرحم ليش يتدخل بالهواش بين أمه وأبوه!
    غير شكل والله

    شكراً لكم عالحلقة
    يعطيكم العافية

    ردحذف
  32. يعطيكم العافيه
    مشكوورين

    ردحذف
  33. ترجمو حلقة 310 عن الاجانب في كوريا ومشاكلهم حتى الضيوف اجانب بليز فيها كانغ نام وبينجي من بي اي جي

    ردحذف
  34. يعطيكم ألف عافية، تعبكم وجهدكم واضح ،
    المشكلة الأولى احترمت هذي الإنسانة بالرغم من الظروف الصعبة الي عايشة فيها لكنها مازالت تكافح علشان اطفالها كأم مطلقة في بلد اجنبي بعيد عن اهلها وتسعى انها تحقق احلامها،المحزن انه حققت حلمها سافرت لكوريا واتزوجت كوري واخذت الجنسية الكورية لكن ماوصلت للسعادة الي كانت تحلم فيها 💔

    ردحذف
  35. الخدمات المنزلية بمدينة القطيف من شركة تاج 0551844053 شركة تسليك مجارى بالقطيف
    شركة تاج لتسليك المجارى بالقطيف 0551844053 والتى تعتمد على الخبرات والادوات المثالية اللازمه لعملية التسليك مع شركة تاج لتسليك المجارى سوف تتخلص من كل هذه الاضرار لاننا يوجد لدينا امهر العمال فى تسليك المجارى باحدث الاجهزة واقل التكاليف وخدمه ممتازة مقدمة على اعلى مستوى من الخبرة والمهارة والدقه العالية يسعدنا دائما ان نلبى رغبة عملائنا الكرام
    ومن الخدمات المقدمة بمدينة القطيف ايضا ومنها :
    شركة تنظيف بالقطيف
    شركة تنظيف سجاد بالقطيف
    شركة تنظيف شقق بالقطيف
    شركة تنظيف فلل بالقطيف
    شركة تنظيف مجالس بالقطيف
    شركة تنظيف منازل بالقطيف
    شركة كشف تسربات المياه بالقطيف
    شركة مكافحة النمل الابيض بالقطيف
    شركة مكافحة حشرات بالقطيف
    شركة طيوب لتسليك المجارى بالقطيف

    _____________________________________________

    ردحذف
  36. الحلقه كانت جدا جميله
    اول مشكله مره تحزن وتبكي صراحه
    انا من اول الحمد الله اني ملاحظه ان كوريا مو الدولة المثاليه ولا اصلا فيه شي اسمه مجتمع مثالي ودايما اقولها للناس اللي حولي مستحيل تحكم على شعب بسبب بعض التصرفات او بعض المعلومات اذا الواحد نفسه يتغير بين فترة وفترة وعائلته نفسه بالغالب ماتكون افكارهم او تصرفاتهم وحده فكيف بشعب كامل

    مع ذلك لازلت احب كوريا لاني حبيت ثقافتهم الاصليه من دون تشويه حبيت اعمالهم وطبيعة البلد هناك وحبيت لغتهم وحروفهم اكثر من ان حبيتها عشان مشاهير بس صح هم كانوا البدايه

    لكن عنصريتهم جدا واضحه حتى بينهم وحتى كثير كوريين لما كنت اسولف مع بعضهم واقولهم ان احب كوريا وكذا كانوا يقولون لي ليه وانه كثير ناس ماخذين فكرة غلط

    واتذكر فيه واحد كوري له قناة باليوتيوب سووا فيديو عن نظرة الناس لكوريا ونظرة الشعب الكوري لبلده وكيف ان اغلب الشعب سطحيين ويهمهم المظاهر عشان كذا كوريا المركز الاول بعمليات التجميل
    ولاحظت شي انهم مايعرفون ولا شي عن الاسلام ولاحتى ابسط الاشياء يعني حتى الحجاب مايدرون ليه نلبسه ففهمهم عن الاسلام بس اللي يجيبه لهم الاعلام الاجنبي فقط

    بالنهاية كوريا دولة كانت قبل كم سنة مو ظاهرة للعالم وبينهم بس لكن فجأة طلعت للعالم وكل الناس عرفوا عنها وبدا يجيهم عدد سائحين بشكل غير عن قبل وبشتى الاشكال
    فطبيعي انهم شوي جاهم ردة فعل بالذات للكبار فالسن مع ذلك كل هذا مايفسر قلة ادب بعضهم
    والسطحيه حتى بين ابسط الاشياء مثل الوسيم يعامل بشكل مختلف غير عن اللي مو وسيم ومع ذلك يشجعونها كثير للآن ببرامجهم ودارامتهم

    هذا اشد مساوئهم

    اعتذر عن ردي الطويل بس الحلقه فيضت المشاعر

    ردحذف
    الردود
    1. صح

      شكرا لكل العاملين على الحلقه ابدعتوا والله

      حذف
  37. يليييز ولا حلقة اشتغلتي ممكن اعرف ايه المشكلة بالسيرفرات ردولي رجاء نفسسسسي اتفرج ع كم حلقة ووللان مو قادره بسبب هاي المشكلة

    ردحذف
  38. ليش ما تشتغل عندي الروابط؟ لو فيه مشكله لو سمحتم عدلوها

    ردحذف